Vulpoj

Vulpoj

(Mao Zifu)

ĉirkaŭ niaj domoj ne mankis arbaro

kaj montoj; tie tamen ne troviĝis

tigroj kaj krokodiloj. sed serpentoj,

venenaj, nevenenaj, hantis kampojn

kaj eĉ litojn. iuj mortis; iuj la mordon travivis.

ankaŭ ratoj kaj senkulpaj ranoj.

serpentoj en la zorgateco de la leĝo homa

ofte baŭmis inter bambuegoj

kaj manĝis kokojn kaj birdetojn.

neniam vulpoj ricevis atakon.

ili alivestis sin en hundojn,

kaj katoj kaj homoj prenis ilin por amikoj.

gekokoj malaperis. ŝpatoj ekserĉis serpentojn.

apude vulpoj ŝtelridis.

saĝaj homoj pajlis sian cerbon.