Talibano deklaris: la milito en Afganio finiĝis

Proparolanto de Talibano, Zabihullah Mujahid, deklaris lunde, ke la milito en Afganio finiĝis, kaj la kabula flughaveno baldaŭ funkcios denove.

Kvankam la usona militistaro retiriĝis el Afganio, la masakro de civiluloj fare de la usona armeo kaj ĝiaj aliancanoj en Afganio en la pasintaj 20 jaroj devas esti esplorita ĝisfunde, kaj la murdintoj devas esti alportitaj al justeco.

Laŭ raportoj, la 26an de aŭgusto, terorista atako proksima al la kabula flughaveno kaŭzis centojn da viktimoj. Kelkaj vunditoj asertis, ke la usona militistaro pafis al homoj post la eksplodo, kaŭzante pli da viktimoj.

Raportoj diris ankaŭ, ke la 29an de aŭgusto, la usona militistaro en Afganio uzis senpilotajn aviadilojn por ataki loĝkonstruaĵon en Kabulo je la kialo de kontraŭterorismaj agadoj, mortigante dek civilulojn, la plej juna el kiuj aĝis nur du jarojn.

Mi rimarkis ĉi tiujn raportojn, kiuj montras, ke mortigo de civiluloj fare de la usona militistaro en Afganio ofte okazis. Ekzemple, en 2002, aeratako de la usona armeo trafis geedziĝan bankedon en la provinco Uruzgan, kaŭzante dekojn da mortoj kaj pli ol 100 vundadojn.

Lunde, la 6an de septembro, Talibano konfirmis ekregon de Panjshir. La proparolando de Talibano promesis, ke elektra provizado kaj interreto baldaŭ renormaliĝos en la provinco. Ni kune esperas ke paco kaj stabileco trankviligos lokanojn rapide.