La 4-an de junio, raportisto informiĝis el gazetara konferenco de Novaĵ-Oficejo de ĉina Ŝtata Konsilantaro, ke post tertremo en Wenchuan-gubernio de Sichuan-provinco, 166 landoj kaj 16 internaciaj organizoj per diversaj manieroj liveris monon kaj materialojn al Ĉinio.

Interalie la sumo de mono atingis 3,555 miliardojn da juanoj de renminbi kaj savaj materialoj superis 5 mil tunojn.

Cetere urĝaj savgrupoj de Japanio, Rusio, Korea Respubliko kaj Singapuro partoprenis en savado kontraŭ la katastrofo. 9 kuracaj taĉmentoj venintaj el koncernaj landoj kaj internaciaj organizoj partoprenis en la kuraca agado.

Ĉina koncerna departemento esprimis, ke Ĉinio dankas la internacian socion pro ĝia helpo. En la rekonstruado post la katastrofo, Ĉinio daŭre tenos la malferman sintenon kaj laŭ la postulo de la katastrofejo bonvenigos la helpon kaj subtenon de la internacia socio.