Uzi manĝbastonetojn estas la unua malfacilo, kiun renkontas multaj fremdlandanoj en Ĉinio. Ĉinoj lertas en uzado de manĝbastonetoj, kaj per ili ĉinoj manĝas glitajn ĝjaŭzi-ojn (ĉinaj ravioloj, kuiritaj pastaĵoj farĉitaj per spicitaj vianda-kaj-legomaj hakaĵoj en duonronda formo), rondajn Tangyuan-ojn (kutime farĉitaj pastobuletoj faritaj el faruno de glueca rizo servataj en supo) kaj longajn kaj glatajn nudelojn. Tio estas neimagebla en rigardoj de fremdlandanoj.