|
La 9-an de marto en Pekino, s-ino Liu Yandong, vicprezidanto de la Tutlanda Komitato de la Ĉina Popola Politika Interkonsiliĝa Konferenco, esprimis, ke post sia reveno al la patrolando, Hongkong kaj Aomen estas stabilaj politike kaj prosperaj en ekonomio kaj socio. La praktikado pruvis, ke la orientilo "unu lando kun du soci-sistemoj" estas tute ĝusta, kaj daŭre manifestos sian potencan vivforton.
En la bankedo honore al hongkong-aj kaj aomen-aj membroj de la Tutlanda Komitato de la Ĉina Popola Politika Interkonsiliĝa Konferenco, kiuj ĉeestas al la regula jara sesio de la Konferenco, Liu Yandong diris, ke post la reveno de Hongkong kaj Aomen al la patrolando, la membroj de la Tutlanda Komitato de la Konferenco faris multajn fruktodonajn laborojn por teni prosperon kaj stabilecon de Hongkong kaj Aomen. La vastaj amasoj de samlandanoj de Hongkong kaj Aomen aktive subtenas kaj partoprenas en la ekonomia konstruado de la ĉeftero, kaj faris pozitivan kontribuon al reformado, malfermo kaj moderniga konstruado de la ŝtato kaj por akceli interŝanĝon kaj kunlaboron inter Hongkong, Aomen kaj la patrolanda ĉeftero.
|
