"En ĉifoja Neĝ-glacia Festivalo, niaj unuaklasaj turismaj produktoj kaj unuaklasa akcepta servo donos la belan rememoron al la vastaj amasoj de turistoj, kaj manifestos al la tuta lando kaj la tuta mondo la ĉarman figuron de harmonia kaj prospera Xinjiang."

La longa vintro liveras al la urbo Urumĉio riĉajn profitfontojn de neĝ-glacia turismo, kaj multaj homoj elektas la frostan vintron por vojaĝi eksteren kaj spiri la freŝan aeron en la skiejo. La novjara tago de 2007 kaj Kurban-festo, tradicia moslema festo, ĉijare koincidas en la dato, pro tio plimultiĝis la feriaj tagoj por naciminoritataj loĝantoj de Xinjiang, sekve la nombro de vizitantoj de diversaj skiejoj de la urbo Urumĉio pliiĝis 4- ĝis 5-oble. Fraŭlino Xu Xia, oficistino de Golfa Lampluma Skiejo de la monto Xuelian ĝoje diris:

"Ĉe la sojlo de la nova jaro, nia skiejo renkontis novan viglecon. En Kurban-festo ni akceptis 3 mil turistojn, kiuj plenigis per si la parkejojn kaj ĉiujn 8 ski-kanalojn. Ankaŭ en la novjara tago, ni akceptis 3 mil vizitantojn."

En Parko de Ruĝa Monto de la urbo Urumĉio, videblas giganta glacia skulptaĵo de Tian'anmen-pordegturo de Pekino, alta je 6 metroj kaj larĝa je 10 metroj. Dum la Neĝ-glacia Festivalo inaŭguriĝis ankaŭ grandtipa ekspozicio de palacaj lanternoj kaj tiu de glaciaj skulptaĵoj. Pli ol 160 neĝ-glaciaj skulptaĵoj temantaj pri karakterizaj moroj, historio kaj kulturo de Xinjiang, aldonas brilan nuancon al Neĝ-glacia Festivalo de la urbo.