Adora Magia Urbo, la unua enlande konstruita granda plezurŝipo de Ĉinio, foriris de Ŝanhajo por sia unua komerca navigado la 1an de januaro 2024. Ĉi tiu ŝipo, konstruita de Ĉinio post multjara esploro kaj projektado, estas rigardata de fremdlandaj amaskomunikiloj kiel grava mejloŝtono en la ŝipkonstrua industrio de Ĉinio, kaj atestas la rimarkojn, kiujn diris ĉina prezidanto Xi Jinping en sia novjara parolado por 2024 – Ĉinio estas plena je noviga movforto kaj disvolva vigleco, kaj "ĉiam progresis en novigado".

La ĵus pasinta jaro estis jaro de ekonomia renormaligo kaj disvolviĝo post la tri-jara prevento kaj regado kontraŭ la pandemio KOVIM-19. Malgraŭ multaj malfaciloj, ĉiu ĉino strebis kaj faris eksterordinarajn kontribuojn. La ĉina ekonomio daŭre renormaliĝis kaj reboniĝis, kun riĉaj rikoltoj de grenprodukto por la 20a sinsekva jaro.

Prezidanto Xi diris, "Niaj celoj estas grandiozaj kaj modestaj, kiuj finfine estas ebligi al la popolo havi pli belan vivon." Pli bela vivo - jen modesta deziro de Ĉinio al disvolviĝo, tamen ĝi portas la atendojn de homoj tra la mondo.

La mondo ankoraŭ ne estas paca. La ukraina krizo daŭras, kaj bataloj inter Palestino kaj Israelo furiozas. Ĉinio malĝojas pro ĉi tiuj densaj diskutoj de la Sekureca Konsilio pri la lamentindaj atakoj kaj civilaj viktimoj antaŭ la jarfino. Prezidanto Xi diris, “Konfliktoj ankoraŭ furiozas en iuj partoj de la mondo. Ni ĉinoj akre konscias tion, kion signifas paco. Ni laboros strikte kun la internacia komunumo por la komuna bono de la homaro, konstruos homan komunumon kun komuna estonteco, kaj faros la mondon pli bona loko por ĉiuj.”

Disvolviĝo estas la fina ŝlosilo por solvi ĉiujn problemojn. En la pasinta jaro, la tutmonda ekonomia renormaligo estis malforta, kaj nutraĵa krizo, energi-krizoj kaj prezaltiĝo donis grandan premon al homoj en multaj landoj. Inter la ĉefaj ekonomioj de la mondo, la ĉina ekonomio kreskis je 5,2% kompare kun la sama periodo de la lasta jaro en la unuaj tri kvaronoj de 2023, restante la plej granda motoro de la monda ekonomio. Kunlaboraj platformoj starigitaj de Ĉinio, kiel la Kantona Foiro, la Ĉina Internacia Servokomerca Foiro, la Ĉina Internacia Importa Ekspozicio kaj la Ĉina Internacia Provizĉena Ekspozicio, ebligis al la tuta mondo kunhavi ŝancojn. La unuanima voĉo de multaj fremdlandaj komercistoj estas, ke ili venos ĉiujare.

Ni "antaŭenigos la konstruadon de homa komunumo kun komuna estonteco kaj konstruadon de pli bona mondo". Ĉe nova deirpunkto, Ĉinio konsideras ne nur sin mem, sed ankaŭ la mondon. En 2024, Ĉinio volas kunigi manojn kun la internacia komunumo por kune trakti defiojn kaj akceli komunan prosperon!