La 19an de januaro, en Pekino, okazis kunsido de la Ĉina Popola Politika Konsultiĝa Konferenco (ĈPPKK) pri makroekonomiaj situacioj de 2023. Ĉeestis la kunsidon kaj faris paroladon Wang Huning, membro de la Konstanta Komitato de la Politika Buroo de la Centra Komitato de la Komunista Partio de Ĉinio (KPĈ) kaj prezidanto de ĈPPKK.

Li diris, ke ni devas lerni kaj efektivigi la ekonomian penson de Xi Jinping kaj la spiriton de la centra kunveno pri ekonomia laboro, ĝisfunde kompreni grandajn atingojn de ekonomia disvolvado en la pasinta jaro, profunde koni la leĝon de ekonomia laboro en la nova epoko, konscie unuecigi la penson kaj agadon kun la analizo, juĝo, decido kaj aranĝo pri ekonomia laboro, faritaj de la Centra Komitato de KPĈ, kaj kun la ĉina modernigo, kiu estas la plej granda politiko, firmigi la konfidon pli bone fari ekonomian laboron, kaj intensigi la devon kaj mision pli efike servi al altkvalita disvolvo.