Same kiel Wei Dengdian ankaŭ Metmetcan Umer estas gvidanto de vilaĝanoj. La vilaĝo troviĝas ĉe la landlimo kun Kazaĥio, kaj la vilaĝanoj estas ujguroj, kazaĥoj kaj hanoj. Metmetcan Umer diris, ke la solidareco de naciminoritatoj ludas tre gravan rolon por la disvolviĝo de la landlima regiono. "Oni devas bone zorgi pri la popola solidareco same kiel pri siaj prorpaj okuloj, ĉar la socia stabileco estas bazita sur la popola solidareco. La nacio ne povas evolui sen la socia stabileco, kaj la popolanoj ne povas vivi bonan vivon sen la evoluo."

Danke al lia gvidado multe boniĝis la vivo de la vilaĝanoj. La ĉiujara pokapa enspezo de la vilaĝo kalkuliĝis al 8 mil juanoj. Parolante pri sia elektiĝo kiel delegito por la kompartia kongreso li diris, ke li faris nur tion, kion li devas fari kiel vilaĝa gvidanto.