La urbeto Hele, troviĝanta en la nordorienta parto de la urbo Wanning, Hainan-Provinco, estas pitoreska loko ĉe la piedo de monto kaj apud rivero. Oriente de la urbeto estas la Suda Ĉina Maro. La urbeto Hele ankaŭ estas loko kun multaj valoraj maraĵoj, ekzemple kraboj kaj salikokoj. Cetere ĉi tie ankaŭ troviĝas multaj aliaj multekostaj maraĵoj, kiaj sipunkuloj, skombroj, angiloj kaj epinefeloj. Iliaj gustoj estas pli bonaj kompare kun tiuj de samaj specoj de aliaj lokoj.