Vicministro de la ĉina Komerca Ministerio Ma Xiuhong esprimis, ke la laŭdata okazigota invest-komerca foiro estas la unua tutlanda aktivado por akceli la investon post la sars-epidemio. Tio montras, ke Ĉinio ĉiuflanke funkciigas la aktivadon por akceli la investon. Ĉinio ankoraŭ estas unu el la varme investataj landoj de la mondo.

Ma Xiuhong diris, ke la neatendita sarsepidemio donis baron al la ĉina ekstera interfluo. Kvankam estis tre bonaj la ĉina varbado de komercistoj kaj enkonduko de kapitalo kaj je 40% pliiĝis la laŭkontrakta eksterkapitalo kaj la realigita utiligado de ekstera kapitalo de januaro ĝis majo kompare kun tiu en la sama periodo de la pasinta jaro, tamen la negativa influo de sarsepidemio al la utiligado de ekstera kapitalo elstaros en la estontaj monatoj eĉ en la venonta jaro.

Ŝi diris, ke travivinte la epidemion, neniu povos nei la gravecon de la ŝtata figuro en varbado de komercistoj kaj enkonduko de kapitaloj kaj tiun de fortokuniĝo de diversaj provincoj ka municipoj. Estigi la ŝtatan figuron kaj krei la ĉinan famecon estas bazo de investoakcelado kaj ankaŭ la ĉefa celaĵo de la 7-a Investo-Komerca Foiro de Ĉinio.

Laŭ konigo, la preparado por la foiro jam eniris en la periodon de tempa retrokalkulado. Streĉite iras la varbado de komercistoj, propagando kaj la sinteza garantio. Ĝis nun, jam sin anoncis por partopreno en la foiro 32 komercistaj delegacioj de eksteraj landoj kiaj Kanado, Usono, Japanio, Britio, Nov-Zelando, Germanio, Aŭstralio kaj aliaj.