Laŭ statistiko en la jaro 1998, rusoj loĝantaj en Xinjiang nombriĝas je 8500 homoj, kiuj dise loĝas en Ili, Tacheng, Aletai, Urumuq kaj aliaj lokoj. Ili devenis de cara Rusio kaj migris en Ĉinion post la 18-a jarcento.

Multaj rus-naciecanoj kredas je grekortodoksa eklezio. Urbanoj sin okupas je riparado, transportado kaj metiarto, kaj kamparanoj ĉefe entreprenas kultivadon kaj ankaŭ brutbredadon. Ili tenas boparencajn rilatojn kun diversaj naciecoj, kaj ĝenerale komprenas kelkajn naciecajn lingvojn. En produkta tekniko, ekonomio kaj kulturo, ili tenas relative pli altajn nivelojn.

Rus-naciecanoj lertas en kantado kaj dancado, kaj havas enhavo-riĉan kulturan vivon. Okaze de la tradiciaj festoj, kiaj Kristonasko kaj Pasko, ĉiuj, ĉu junaj, ĉu maljunaj, gaje kantas kaj dancas por celebrado. La fame konata rusa piedfrapa danco ja estas unu el iliaj karakterizaj naciaj dancoj. La plej ŝatataj naciaj muzikiloj estas balalajko kaj akordiono.