La naciaj muziko kaj arto de la Tibeta Aŭtonoma Regiono de Ĉinio estas nedisigeblaj de la geografio, historio, religio kaj nacia tradicio de Tibeto, tial la tibeta muziko havas fortajn naciajn trajtojn.

De rakontado de generalo pri siaj talentoj, elitaj ĉevaloj kaj armiloj antaŭ ekiro al batalo en "Biografio de Reĝo Gesar" ĝis kortuŝaj lirikaj kantoj en tibeta teatro, de la vaste konataj popolkantoj verkitaj de muzikistoj enradikiĝintaj en tibeta regiono ĝis la klarionado de longa tubo en religia muzikoludo, ĉio montras la viglecon de la vivo kaj la gajecon de sinteno al la vivo. Tial, kun emocio esprimanta la viglecon de la vivo kaj la neflekseblan sintenon de la tibeta nacio al la vivo, serĉi fandiĝon de la tibeta muziko en la elemento de moderna muziko por enkorpigi la nacian konscion kaj modernan konscion estas la strebado de tibetaj muzikistoj.

"Kiu parolas, tiu kanti povas; kiu iras, tiu danci lertas." Multaj ŝatas tiel priskribi la tibetan nacion de Ĉinio.