|
|
 |
| (GMT+08:00)
2004-06-19 19:26:53
|
 |
|
Estos ankoraŭ pli sukcesa UK en Pekino
cri
Karaj amikoj, okazos la 89-a Universala Kongreso de Esperanto en Pekino de la 24-a ĝis la 31-a de julio. Ĝi estos la dua kongreso en Pekino; la unua okazis en 1986. Ĝis nun jam pli ol 1 500 diverslandaj esperantistoj aliĝis al la 89-a Universala Kongreso. La preparado por la Kongreso iras glate kaj intense kaj la ĉinaj esperantistoj, kompreneble ankaŭ la LKK-anoj profunde konvinkiĝas, ke la 89-a Universala Kongreso estos plenplene sukcesa.
Por kontroli la preparadon, samideano Clay Magalhaes, konstanta kongresa sekretario de UEA, vizitis Pekinon de la 27-a de majo ĝis la 2-a de junio
En Pekino, li inspektis la Kongresejon -- Internacia Konferenca Centro en Pekino kaj interparolis kaj interkonsiliĝis kun LKK kaj koncernaj institucioj pri la kongresejo, loĝado, tagordo, vesperoj, turismo, sekureco kaj iuj aliaj konkretaj problemoj, kaj finfine ili atingis interkonsenton – gvidilon por la sekva laboro de LKK.
Posttagmeze de la 1-a de junio, LKK aranĝis gazetaran konferencon. En la konferenco, samideano Clay Magalhaes diris, ke Ĉinio, Pekino, havas kondiĉojn, la 89-a Universala Kongreso estos ankoraŭ pli sukcesa ol tiu en 1986.
Sinjoro Clay Magalhaes kaj sinjoro Yu Tao, ĝenerala sekretario de la Ĉina Esperanto-Ligo kaj unu el la respondeculoj de LKK konigis al raportistoj el diversaj amaskomunikiloj en Pekino la preparadon por la 89-a Universala Kongreso, pri la Universala Kongreso ĝenerale kaj pri Esperanto mem.
Pri la celo de sia vizito al Pekino, samideano Clay Magalhaes diris:
/1 2'32" –
Pri la preparado por la pekina dua Kongreso, samideano Clay Magalhaes diris:
/2 5'
Li esprimis sian kontenton pri la preparado.
En la gazetara konferenco, ankaŭ sinjoro Li Hongjie, direktoro de la redakcio de El Popola Ĉinio kaj unu el la respondeculoj de LKK, konigis pri iuj flankoj en la preparado. Li diris:
/
"Por montri al la diverslandaj kongresanoj la konstruadon de la bonhaveca socio de Ĉinio kaj por ke ili konceptu la ĉarmon de la ĉina antikva kulturo, LKK zorgeme projektis kaj serioze preparas "Ekspozicio pri Ĉina Kulturo", "Nacia Vespero", "Tago de Ĉinio"; oni konigos pri la paca leviĝo de Ĉinio, pri ĉinaj virinaro kaj neregistara afero de edukado. LKK jam interkonsiliĝis kun la pekina magistrato pri fondo de "Amikeca Arbaro" en la parko Chaoyang de Pekino.
En la gazetara konferenco, sinjoro Clay Magalhaes kaj aliaj esperantistoj ankaŭ konigis al la raportistoj pri nia kara lingvo Esperanto mem. La lingvo interesis la raportistojn.
|
|
|
