|
|
 |
| (GMT+08:00)
2005-01-20 18:45:09
|
 |
|
Pitoreska Guilin
cri
 Guilin, pitoreska historia kultura urbo, situas en la nordoriento de la Guangxi-a Ghuang-nacieca Aŭtonoma Regiono. Lijiang-rivero fluas de Guilin al Yangshuo, kaj ambaŭborde viciĝas belegaj Diecai-monto, Fubo-monto kaj monto Elefanta Rostro. Sube estas du turismaj lokoj proksime de Guilin.
Lijiang-rivero
Lijiang-rivero estas la grava konsistiga parto de la pejzaĝo de Guilin. Ĝi fontas de Kato-monto kaj trafluas Guilin kaj Yangshuo.
Inter Guilin kaj Yangshuo ĝi estas dividita en tri partojn.
La unua parto:
De Guilin ĝis Huangniu-valo. Ambaŭborde kontinuas urbetoj, vilaĝoj kaj kampoj. Tie la vidindaj lokoj estas monto Elefanta Rostro, miljara banjano de Longmen kaj antikva urbeto Dawei.
La dua parto:
De Huangniu-valo ĝis Shuiluo-vilaĝo. La rivero estas krampita de kontinuoj da montoj ambaŭborde. Tie estas la plej bela vidindaĵo, kaj tie staras multaj rokoj vekantaj liberan imagon.
La tria parto:
 De Shuiluo-vilaĝo ĝis Yangshuo. Ambaŭborde kontinuas verdaj montetoj kun bambuaroj, forstoj, kampoj, vilaoj kaj fiŝistaj vilaĝoj.
La beleco de Lijiang-rivero montriĝas ne nur per verdaj montoj, klara akvo, mirindaj kavernoj kaj belformaj rokoj, sed ankaŭ per profunda baseno, riskoplena fluejo, fonto kaj akvofalo. Cetere la pejzaĝo de la rivero ŝanĝiĝas laŭ alterno de sezonoj. En serena tago la montoj reflektiĝas en akvo, kaj en pluvo la montoj kaj rivero estas vualitaj de nebulo.
Ĉiu kubmetro da akvo de la rivero entenas 37 gramojn da sablo, tial la akvo estas tre klara kaj fiŝoj en akvo klare videblaj.
Yangshuo
En Yangshuo-gubernio troviĝas pli ol 20 mil montoj en tre diversaj interesaj formoj, kaj inter la montoj fluas 16 riveroj kaj 69 kilometroj da riverparto trafluas Yangshuo. Ambaŭborde estas multaj karstaj kavernoj kaj miljara banjano. Tie oni vidas ankaŭ antikvajn urbetojn kaj gravuraĵojn sur rokoj.
Yangdi-digo
 Surakva turisma loko, plej bela el la vidindaĵoj de Yangshuo. La vojaĝlinio longas 48 kilometrojn kaj estas vizitinda por ĉinaj kaj fremdlandaj turistoj. Tie la akvo estas tiel klara, ke oni povas vidi la fundon. Laulinie viciĝas domoj ombrataj de ĉenoj da bambuaroj.
Pitoreskejo en gubernia urbo
La pitoreskejo areas 6 kvadratajn kilometrojn. Tie la natura pejzaĝo harmonie kunfadiĝas kun la vidindaĵoj kreitaj de homoj. Tie estas Lotus-monto, Knabo-monto, surrokaj gravuraĵoj en Nanshan kaj en Lotus-kaverno, loĝejo de fama ĉina pentristo Xu Beihong, memorhalo de Sun Yatsen k.a.
 Pitoreskejo Gaotian
Ĝiaj karakterizaj pejzaĝoj estas miljara banjano kaj Luno-monto. Estas interese, ke sur la pinto de Luno-monto estas granda ronda truo, simila al luno. Rigardate de malsamaj lokoj, la truo montras diversajn fazojn de la luno.
Pitoreskejo de Yulong-rivero
 La rivero fontas en Lingui-gubernio, kun longo de 42.5 kilometroj. La plej bela parto estas tiu inter Yulong-ponto kaj Qing'e-pramejo. Tie estas ruinoj de konstruaĵoj de Tang- kaj Song-dinastioj, tombejoj de Han-dinastio, antikvaj arbaroj kaj klaraj fontoj. Krome tie estas vidindaj Wuzhi-monto, ruino de antikva urbo Guiyi kaj tombejoj de Han-dinastio.
|
|
|
