Dancoj koregrafiitaj de Wang Biyun multe proksimiĝis al la vivo. Ili havas nacian karakterizon kaj ankaŭ epokan senton kaj estas tre ŝatataj de vizitantoj. En ĉiu de 3 tagoj ŝi koregrafias novan dancon. Samprofesiuloj admiris, ke tio estas "miraklo de Shenzhen". Pro tio la kantdancejo Shadu famas en la urbo, kaj ĝi kiel la unua starigis precedencon de civilizacia kantdancejo en Ĉinio. Multaj kantdancejo invitis Wang Biyun koregrafii dancojn kaj ĵurnaloj ofte intervjuis ŝin. Sukceso en la kantdancejo Shadu donis al Wang Biyun multan memfidon. Ŝi konvinkiĝis, ke intensa konkurenco en la urbo Shenzhen estas pli konforma al ŝia entreprenado, tial ŝi kaj la familianoj ekloĝis fikse en la urbo. Sekve ŝi fondis sian dancan trupon kaj pli multe atentas konstruadon de kantdancejoj en la urbo Shenzhen. Ŝi diris, "Mi opinias, ke la kantdancejoj estas kulturaj fenestroj de la urbo Shenzhen, kaj kulturo estas ekonomia arterio por la urbo, kiam kulturo pompas, la tuta urbo prosperas; Shenzhen estas internacia kultura urbo kaj kantdancejoj en la urbo estas belaj pejzaĝoj, kaj mi esperas, ke ili pli kaj pli prosperos."

De la lastaj du jaroj Wang Biyun ne plu verkas dancojn. Ŝi diris, ke antaŭe pro okupiteco en verkado, koregrafio kaj prezentado ŝia scio ŝajne jam elĉerpiĝis. Nun ĉiutage ŝi aŭskultas klasikan muzikon kaj multe legas librojn. Krome, por renkonti Pekinajn Olimpikojn en 2008, Wang Biyun persone planis prezentadan projekton de la inaŭguro kaj prezentis ĝin al la Organiza Komitato de la Pekinaj Olimpikoj. Ŝi trankvile esprimis, ke ne gravas, ĉu la projekto estos akceptita aŭ ne, tamen ŝi esperas tiamaniere kontribui al la ŝtato kaj atendas plenan sukceson de la Pekinaj Olimpikoj.

Pli-ol-50-jara Wang Biyun esprimis, ke ŝi ankoraŭ plue dediĉos sin al verkado de dancoj. Ŝi diris al la raportisto, ke ŝi lernis la latinan dancon lastatempe kaj esperas fandi ĝin en ĉinajn naciajn dancojn por riĉigi programojn de la kantdancejoj en la urbo Shenzhen.