Aguo diris, ke veninte al metropolo ŝi pli multe sopiras pri la naciecaj vestaĵoj. Nuntempe en ŝia hejmloko fraŭlinoj plejparte preferas ĝinzon kaj eŭropajn kostumojn kaj forlasas naciecajn vestaĵojn faritajn laŭ tradicia metio por sekvi la modon, tio estas vere domaĝata.

Ĉinio estas lando kun multaj naciminoritatoj, diversaj naciecoj havas sian tradician kostumon kun apartaj metieco kaj stilo, ekzemple dai-naciecanoj karakterizas sin per longa jupo, mongoloj per longa robo, hezhe-naciecanoj per fiŝhaŭta vesto kaj yi-naciecanoj per ĉifita jupo. Vestaĵo estas nacieca simbolo kaj ankaŭ povas montri kulturan preferon de la posedanto. Sinjorino Wei Ronghui opinias, ke por protekti la tradicion oni povas alpreni novan rimedon, tio estas, ke oni fandu tradician metiecon en modernan desegnadon. Ŝi prezentis al ni, ke en ŝia vestaĵa fabriko estas talentaj metiistoj el malsamaj naciminoritataj regionoj, ili majstras en teksado, brodado kaj tinkturado, kaj ŝi ankaŭ elkulturis vestaĵajn desegnistojn, ili jam povas lerte fandi naciecajn elementojn en la modernan desednadon. Ĉiujare ŝi kaj la kolegoj vojaĝas al naciminoritataj regionoj por kolekti brodaĵojn kaj teksaĵojn faritajn laŭ speciala metieco.

"Ni povas kopii tiujn brodaĵojn, ĉar ili estas tre mirindaj. Se oni ne zorgas ilin, neniu faros tiajn brodaĵojn plu; se oni klopodas proponi tiujn ĉi metiartaĵojn en merkato, certe metiistoj senĉese faros ilin, tiamaniere la metio estos protektata. Mi klopodas proponi tiajn metiartaĵojn ĝuste por protekti la tradician metion."

Nun, vestaĵoj de la marko "Aduowei" entreprenata de sinjorino Wei iom post iom famas en Ĉinio, kaj ili enmerkatiĝis ankaŭ en Singapuron, Danlandon kaj aliajn landojn. Sinjorino Wei esperas, ke pli multaj eksterlandanoj ĝuu belecon de ĉinaj naciecaj kostumoj.