La 18-an de oktobro, inaŭguriĝis en Ŝanhajo la 7-a Ŝanhaja Internacia Arta Festo de Ĉinio. Ĝi daŭros unu monaton. En la inaŭguro la artistoj de Ĉinio kaj Aŭstralio kune prezentis grandskalan originalan dancan dramon "Hua Mulan".

Dum la arta festo, la artistoj venintaj de pli ol 60 landoj, ekzemple Aŭstralio, Egiptio, Germanio kaj Usono, prezentos 45 programerojn, inkluzive de dancaj dramoj, simfonioj, baletoj kaj ĉinaj lokaj operoj. Inter ili estas mondfamaj artaj grupoj, ekzemple Berlina Filharmonio, Cincinnati Populara Orkestro kaj Egipta Kaira Opera Baleta Aktoraro.

Ŝanhaja Internacia Arta Festo estis fondita en 1999. Nun ĝi estas fama arta festo en la mondo. En ĉi-jara arta festo, okazos ankaŭ ekspozicioj de skulptaĵoj, muzikaj instrumentoj, metiartaĵoj kaj internacia prezentada foiro.