Ma Dong, prezidisto de "Defii Prezidiston", konigis, ke la elekta aktivado inkludas Pekinon, Xi'an, Harbin, Hangzhou, Chengdu, Shenyang, Wuhan kaj Guangzhou 8 konkursajn regionojn. Januaron de 2007, ĉiu regiono elektos 10 elitajn kandidatojn por la fina elekto. La fina venkonto fariĝos prezidisto de Centra Televidstacio.

La aktivado estas kune okazigita de "Defii Prezidiston" kaj Personara Departemento de Centra Televidstacio. Ma Dong rekte diris, ke tio estas por trovi elirejon por kandidatoj. Tiuj, kiuj partoprenis en antaŭaj "Defii Prezidiston", povas refoje sin anonci.

Al la demando, kio estas la samo kaj diferenco inter la aktivado kaj superknabina aktivado, Ma Dong diris, ke en "Superknabina Voĉo", oni konkursis pri kantado. La programero estas kun malalta profesieco; "Revo de Ĉinio" estas scenejo por realigi revon de civiluloj; "Defii Prezidiston" postulas, ke kandidatoj havu ne nur komunecon sed ankaŭ personecon. "La du flagoj plej bone montras nivelon de bona prezidisto. Nia elekta celo estas pli klara, nome, ni elektos elitajn talentulojn por Centra Televidstacio, tial ne troviĝas kompareco inter la aktivado kaj aliaj aktivadoj."

Ma Dong deklaris, ke nova prezidisto devas konformi al stilo de ŝtata televidstacio: aktiva kaj sana. "Diferenco al aliaj estas rekta prijuĝa kriterio". Ma Dong diris sian maltrankvilon, ke kandidatoj "ĉiam imitos ĉiujn famajn prezidistojn sen nova prezentista tipo. Mi volas vidi kandidatojn kun personeco kaj pluraleco."