 Rapide disvolviĝas ĉina aŭta fabrikado, nun la fabrikado jam estas unu el la ĉinaj subtenilaj industrioj, sed en multaj jaroj mankis propra marko por aŭtoj, faritaj de Ĉinio, multaj aŭtoj uzis markojn de fremdaj landoj. Kiel la ĉina aŭta industrio ŝanĝos la stagnan situacion kaj kreos vojon de sendependa kreado? Karaj aŭskultantoj, hodiaŭ ni konigos staton pri ĉi tiu flanko.
En 2005 en Ĉinio, pli ol 80 novaj aŭtoj estis publikigitaj en la merkato, meznombre en 4 tagoj nova aŭto estis publikigita. Sed interalie aŭtotipoj, kiuj posedas sendependan markon, estas malmultaj. El multaj novaj aŭtoj, kiuj estis publikigitaj en la komenco de la kuranta jaro, nur pli ol 20% estas aŭtoj, kiuj posedas sendependan markon. Eksplikante tion, vicestro de disvolva kaj studa centro sub la ĉina Ŝtata Konsilantaro sinjoro Liu Shijin opiniis, ke alta risko kaj alta kosto formas la gravan kialon, ke multaj entreprenoj ne povas fari sendependajn esploron kaj ekspluaton de aŭtotipo:
"Kiam la aŭta industrio troviĝas en la disvolva unuapaŝa periodo, la merkata bezono estas tre granda, per enkonduko de ĝenerala tekniko el fremda lando, oni povas produkti relative maturan produktaĵon kaj akiri profiton en la merkato, ĉi tiu estas elekto. Alia elekto estas esploro kaj ekspluato, sed mankas kapitalo, talentulo kaj tekniko, tiam multaj entreprenoj elektis unue okupi la merkaton sed ne faris esploron kaj ekspluaton."
Sinjoro Liu Shijin opiniis, ke per aĉeto de fremdlanda tekniko oni vere povas garantii profiton, sed ĉi tio estas portempa metodo, por la estonta disvolvo, la ĉina aŭta industrio devas iri sur la vojo de sendependa kreo kaj ĉinoj devas posedi proprajn aŭtotipojn kaj produktajn teknikojn. La ĉina registaro jam konis la gravecon de tio. En aprilo de 2005, ĉina dogana ĝenerala departemento kaj la ĉina Ministerio pri Komerco komune publikigis difinon kaj grandmezure altigis impostan doganon de aŭtaj pecoj. Pro la ellaboro de la difino, ĉinaj aŭtaj produktaj entreprenoj klare sciis, ke baldaŭ finiĝos la tempo, ke per libera munto de aŭto oni povas akiri profiton.
Kiam multaj ĉinaj aŭtaj produktaj entreprenoj produktas aŭtojn kun fremdlandaj markoj, iuj entreprenoj evitis la merkatojn de mezklasaj kaj altklasaj aŭtoj, inter kiuj troviĝas multaj fremdlandaj markoj kaj akra konkurenco, sed sin dediĉas al esplorado kaj ekspluatado de malaltgradaj aŭtoj kun malgranda ellasa kvanto. En 2005 la venda kvanto de aŭtoj kun la marko Xiali, produktitaj de la ĉina Tianjin-a Unua Akcia Aŭta Limigita Korporacio, atingis 200 mil, okupis 30% de la merkato de la samatipaj aŭtoj.
|
