|
|
 |
| (GMT+08:00)
2006-04-26 12:37:06
|
 |
|
Malferma tago en la Centra Oficejo
cri
La venonta Malferma Tago okazos sabate 2006.05.13. en la
Centra Oficejo en Roterdamo. Ĝiaj regulaj partoprenantoj
certe scias, ke al tio neforpeneble apartenas specialaj
rabatoj en la Libroservo, senpagaj kafo aŭ teo kaj loterio
por ĉiuj vizitantoj, kaj interesega programo. Ĉi-foje ĝia
speciala gasto estos konata ĵurnalisto Stefan MAUL,
kiu, kromalie, prezentos sian libron "El verva vivo
ĵurnalista".
Estos prezentata ankaŭ nova filmo pri la
Centra Oficejo aŭtore de Petro BALAZ´. Legu la gazetaran
komunikon de UEA
http://uea.org/dokumentoj/komunikoj/gaz228.html#2
kaj se vi volas veni sed ne scias, kiel atingi la Centran
Oficejon, vidu ankaŭ jenan klarigon:
http://co.uea.org/~tejo/kiel_atingi.html
================================================
TEJO havas novan paĝaron
Dum sia kunsido en Roterdamo en la semajnfino 2006.04.07/09
la Estraro de TEJO finaprobis la lanĉon de la nova retpaĝaro
de nia organizo. Jam de kelkaj tagoj vi povas vidi ĝin ĉe
http://www.tejo.org/
Ĝia ĉefarkitekto estas estrarano pri informado Chuck SMITH,
kaj ĝi estas bazita sur la enhav-mastruma sistemo drupal.
La plano estas dum la ontaj semajnoj finpoluri la enhavon
de la konstanta kerno de la paĝaro, kaj en la dua duono
de la monato majo lanĉi ĝian tradukadon en la naciajn
lingvojn (tiucele iam funkciis "jahugrupo" tejo-tradukado).
Poste oni planas vigligi la paĝaron per retaj taglibroj
de la membroj, kaj per forumo. Baldaŭ TEJO oficiale
lanĉos konkursojn pri nova logotipo, nova(j) maskoto(j)
(aldone al la papago Pepo), fotografaĵoj taŭgaj por
la paĝaro, kaj "drupala" aspekt-sÄYemo ("haŭto") por la
paĝaro. Ekzaktaj kondiĉoj estas ankoraŭ publikigotaj.
Dume ni bonvenigos (oficejo(ĉe)tejo.org) viajn rimarkojn
kaj anticipajn sinproponoj por tradukado en la naciajn lingvojn.
el [TEJO-Aktuale]
---
fonto: "Ret-Info"
http://www.eventoj.hu Karaj amikoj,
- - - -
Saluton -
je la 25a de junio en Braunschweig (ĉe Hanovro) okazos la 83a Germana Esperanto-Kongreso (GEK), kiu estas dediĉita al la 100-jariĝo de Germana Esperanto-Asocio.
Ĝi estis ne nur la asocio de la aŭstroj-hungaroj kaj de la germanlingvaj svisoj, sed ankaŭ por ĉiuj Esperantistoj el la iamaj germanlingvaj regionoj de Litovio ĝis Francio.
Programo
La Germanaj Esperanto-Kongresoj prezentas diversajn interesajn temojn,
prelegojn kaj diskutrondojn kaj spertindan vesperan programon. Venu kaj
aŭskultu la prelegojn de gravuloj de la Esperanto-movado: D-ro sc.
Detlev Blanke, Wera Blanke, D-ro Werner Bormann, D-ro Petro Chrdle, D-ro Renato Corsetti, D-ro Ulrich Lins, Zlatko Tisljar.
Ekskursoj en la regiono
Profitu la vojaĝon por resti iom pli longe kaj viziti la aŭtomobilcentron de Volkswagen aŭ la ekspozicion phaeno en Wolfsburg (25 km), restadi kelkajn tagojn en la vivoplena ĉefurbo Berlino (220 km) aŭ partopreni ekskurson al Herzberg kaj viziti la Germanan Esperanto-Centron, klerigejon de GEA (www.esperanto-zentrum.de).
La retejo de la kongreso:
http://www.jubileagek.ic-herzberg.de/
Organizado
GEA-komisiito pri aranĝoj: Christian Darbellay
Kaiserstr. 39, DE-24143 Kiel, Tel. 0431/737788, esperanto-kiel@web.de
Surloke, LKK
Interkultura Centro Herzberg
Grubenhagenstr. 6, DE-37412 Herzberg, Tel, fakso. 05521/5983,
esperanto-zentrum@web.de
Bonvenon al kongreso de svedaj kaj danaj esperantistoj en Malmö!
100-jara jubileo de Sveda Esperanto-Federacio kaj Klubo Esperantista de Malmö.
Inter 25-28 de majo.
Pli da informoj ĉe: http://www.agado.net/
Kaisa Hansen
INFORMITALE 68
Oficiala inform-servo de Itala Esperanto-Federacio
*********************************************************
"La gefianĉoj" aperis en la serio Oriento-Okcidento
La italoj estas konindaj ne nur pro la bela klimato, la napolaj
kantoj kaj la pico. Ili estas konindaj ankaŭ kiel "popolo de la libro".
Temas pri la sola libro en Italujo, pri kiu ĉiuj scias. Kelkaj homoj
memoras tutajn pecojn parkere. Ĝi eniris la lingvon per multaj dir-manieroj derivitaj el ĝi, kaj ĝiaj rolantoj: la kamparano, la advokato
malfacile retorikanta por trompi kamparanojn, la bonegulo,
la sanktulo, la malbonegulo, regule estas uzataj por priskribi
nuntempajn homojn.
"La gefianĉoj" (I promessi sposi, en la itala) estas verko de
Alessandro Manzoni, kiu verkis en la 19-a jarcento, kaj priskribis
eventojn okazintajn antaŭ jarcentoj en norda Italujo. Fakte temas
pri la mistraktado fare de la tiamaj potenculoj al la tiamaj malpotenculoj
kaj pri la rolo de la eklezio protekte al la popolo (eĉ se foje alianca al la regantoj). Nenio nova sub la suno.
Ĝi aperis en la serio Oriento-Okcidento de UEA en la kadro de la laboroj antaŭ la Universala Kongreso en Florenco ĉi-jare.
Se vi volas koni la homojn en la kongresa lando, ne maltrafu ĝin.
La libroservo de Itala Esperanto-Federacio (Via Villoresi, 38, IT-20143
Milano, Italujo, ) vendas ĝin je 27 eŭroj + sendokostoj
al eksterlando (triona rabato por aĉetoj de 3 aŭ pli multe da ekzempleroj).
Aĉetebla ankaŭ en la libroservo de UEA.
Pliaj informoj pri la UK ĉe:
www.ukflorenco2006.it au
.
Informoj por esperantista gazetaro:
http://www.ukflorenco2006.it/unikodo/lkk_informas/agadoj_lkk/informado_eo/in
formitale/
LKK de la 91-a UK, ĉe Itala Esperanto-Federacio,
Via Villoresi, 38 IT-20143 Milano, Italujo,
Fotoj pri la urbo Firenze estas facile elŝuteblaj ĉe
http://www.comune.fi.it/servizi_pubblici/turismo/firenzeimmagini.htm
Bonvolu mencii la fonton:
"Assessorato al Turismo di Firenze"
Esperantologia Konferenco en UK 2006
La Esperantologia Konferenco de la ĉi-jara Univerala Kongreso en
Florenco (29 Julio - 5 Aŭgusto) havos kiel temon "Esperantologio
kaj la Interreto". Bonvenaj estos kontribuoj pri scienca
pritraktado de Esperanto en la Interreto kaj pri la Interreto
kiel helpilo por Esperantologoj. Aparte kuraĝigataj estos
kontribuoj de junaj Esperantologoj. La Konferencon organizas
ĉi-jare Bertilo Wennergren.
ESF ("Esperantic Studies Foundation"), kiu subtenas la
Konferencon, planas aperigi la referaĵojn en sia TTT-ejo kaj
eble ankaŭ en presita formo. La referaĵoj tial prefere enhavu
Angla-lingvan resumon.
Interesatoj bv. anonci sin ĉe Bertilo Wennergren retposxte:
"bertilow@gmail.com".
>Vjetnama esperantistaro celebras la 100a datrevenon de la naskiĝtago de Lucien Peraire
Mi aliĝas spirite al via celebrado. Lucien Perarire evidente faris multajn servojn al la Esperanto-movado, kaj li estis tiom modesta, ke li ne postulis medalojn kaj titolojn.
> Kaj li ne scias ke venontjare en 2007, Hanojo, la unua urbo kiun li vizitis veninte Hindoĉinion, gastigos la Internacian Junularan Kongreson (IJK).
Tamen ni vidas la ligon inter lia tiama informa laboro kaj la nuna florado de la Esperanto-movado en Vjetnamujo. Tio estu instigo por ni labori same kiel li, c'ar la fruktoj ja venos, kvankam ni eble ne vidos ilin.
Amike
Renato
------------------------------------
Renato Corsetti, Via del Castello, 1
IT-00036 Palestrina, Italujo
-------------------------------------
Hieraŭ dimanĉon la 23an de aprilo, Kataluna Esperanto-Asocio
aranĝis librobudon en la Rambla de Barcelono. La budo staris de la
8:30a ĝis la 21:00a kun rekorde sukcesa bilanco, ne nur pro la
kvanto da disvendoj sed ankaŭ pro la granda intereso rilate al
esperanto de la preterpasantoj. Mi dirus ke la sukceson okazigis la
fakto ke la ĉi-jara librotago okazis en dimanĉo, tio surstratigis
multajn homojn kaj matene kaj posttagmeze.
Deĵoris kaj helpis en la budo Àngels, Carme Bonet, Farri, Joelo,
Jomo, Josep Franquesa, Kiara, Lluís Batlle, Miquel Gómez i Besòs,
Onjo, Roger, Sjoerd kaj Xana (mi esperas forgesi neniun). La grava
nombro de eksterlandanoj paroligis nin ĉiuj en esperanto kaj
grandega kvanto da preterpasantoj alproksimiĝis aŭskulti nin
scivoleme. La scivolemo kaj la konstato de nia flua parolado en
esperanto interesigis multajn homojn. Eĉ eksterlandanoj estis
helpitaj sialingve de "niaj" eksterlandanoj. Kelkaj vizitintoj
anoncis sian ĉeeston en la renkontiĝo de Canet kaj aliaj sian
intereson partopreni niajn kursojn. Multajn ĉarmajn anekdotojn oni
povas rakonti pri la iro de la tago.
Mi kunsendas kelkajn fotojn kaj atendas la bildojn de aliaj fotistoj.
Mi ege dankas la grandegan partoprenon kaj helpemon de ĉiuj kiuj
ĉeestis kaj kunhelpis.
Kore
Farri
La 15an de aprilo, Yatugatake-E-Domo malfermiĝis. Vintre estas tro
malvarme por loĝi, do tiu ĉi domo malfermiĝas en aprilo kaj fermiĝas en
novembro.
Tiun tagon 11 komitatanoj kolektiĝis por rearanĝi kaj veki la dormantan
domon. Ni forigis velkintajn foliojn en la ĝardeno kaj sur la tegmento, ni
purigis fenestrojn, ni rearanĝis litaĵojn, ktp. Jam la domo perfekte
refres^iĝis kaj estas preta akcepti vin el la tuta mondo.
Jen specialaj eventoj okazontaj en la domo:
1. La 20-21an de majo: promenado ĉe la piedo de la monto Yatugatake
2. La 27-28an de majo: kunveno de go-amantoj
3. La 8-9an de junio: kunveno de poemoj kaj muziko
4. La 15-17an de junio: intensiva kurso por iĝi pli internaciaj
Ĉiun sabaton kaj dimanĉon kaj ĉiujn tagojn dum la somero ni deĵoras.
Kiam vi venos al Japanio, nepre vizitu la domon. Ni bonvenigos vin.
Raportis HORI Jasuo
*Pri Esperanto-Domo de Yatugatake
Esperanto-Domo estis inaŭgurita en novembro de 1994, kaj ĝi estas donaco
de Esperantistino s-ino MORITA Yooko al Japana Esperanto-Instituto. Ĝi
konsistas el dormĉambroj, salono, komuna kuirejo kaj 2 etaĝa biblioteko.
En la pasintaj jaroj kelkcentoj da Esperantistoj japanaj kaj eksterlandaj
vizitis ĝin por kunloĝadoj, kursoj kaj kunvenoj.
Yatugatake (pron. Jacugatake) estas fama monto, kiu havas ok pintojn. Ĝi
situas en gubernio Yamanasi, proksime de Tokio kaj de tie oni povas vidi
monton Fuĵi (simbolon de Japanio).
Ĉirkaŭ Esperanto-Domo estas muzeoj, planetario kaj aliaj vizitindaĵoj. La
domo estas la membro de Pasporta Servo, kaj eksterlandaj Esperantistoj, kiuj
vizitos Japanion, estas bonvenaj, kvankam oni ne povas akcepti gastojn en
vintro. Do, necesas antaŭa kontakto kaj interkonsento.
Kontaktadreso:
Japana Esperanto-Instituto (JEI)
JP-164-0042 Tokyo-to Sinzyuku-ku Waseda-mati 12-3
Tel 81+3-3203-4581, Fax 81+3-3203-4582
Por rezervi ĉambrojn, bonvolu kontakti:
Sinjoro Motiduki Masahiro,
telefono: 81+54-278-6909,
retadreso: monsano@mx1.s-cnet.ne.jp
Esperanto-Domo de Yatugatake
1897-1, Koarama, Hokuto-si, Yamanasi, Japanio 408-0013
telefono + fakso: 81+551-32-7335
|
|
|
