Nuntempe, menciinte infekteblajn malsanojn, oni tuj ekpensis pri gripo, hepatito kaj aliaj. Sed preskaŭ neniu ekpensas pri tuberkulozo. Fakte, tuberkulozo estas infektebla malsano kaŭzata de infektado de tuberkuloza bacilo. Ĝi iam tre furiozis en Ĉinio, kaj serioze damaĝis vivan sekurecon de ĉinaj popolanoj. En la 50-aj kaj 60-aj jaroj de la pasinta jarcento, la ĉina registaro plifortigis preventadon kaj kuracadon de tuberkulozo.

De la lastaj jaroj, pro diversaj kaŭzoj, tuberkulozo reviviĝis en Ĉinio. Ĉina vicministro pri higieno Wang Longde diris:

"Nuntempe la cirkulado de tuberkulozo en nia lando estas tre serioza. Nia lando estas unu el la 22 landoj, kiuj estas plej peze ŝarĝataj de tuberkulozo. Nombro de tuberkulozuloj de nia lando okupas la duan lokon de la mondo. La unuan okupas Hindio."

Statistiko de la ĉina Ministerio pri Higieno montras, ke nuntemp troviĝas ĉirkaŭ 4,5 milionoj da tuberkulozuloj en Ĉinio, kiuj okupas ĉirkaŭ 0,34% de tuta loĝantaro. Ĉiujare ĉikraŭ 130 mil homoj mortas pro tuberkulozo en la tuta lando. La montro superas sumon de nombroj de mortintoj pro aliaj infekteblaj malsanoj.

En la 50-aj jaroj de la 20-a jarcento, inokulado de vakcino BCG estis enlistigita en la ŝtatan imunan projekton. Kaj oni fundamente efektivigis inokuladon al ĉiuj novnaskitoj tuj post naskiĝo. Kial ankoraŭ troviĝas tiel multe da novaj tuberkulozuloj? Specialistoj klarigis, ke inokulado de la vakcino BCG preventas kaj reduktas nur tuberkulozon de infanoj, sed ne efikas multe al plenkreskuloj. Tial, la plej grava rimedo por preventi tuberkulozon estas aktiva trovado kaj kuracado de malsanuloj de infektebla tuberkulozo kaj reduktado la infektan devenon.

Tial, la unua paŝo de preventado kaj kuracado de tuberkulozo estas altigi trovitan rilatumon de malsanuloj de tuberkulozo. Por serĉi la tuberkulozulojn troviĝantajn en diversaj lokoj, la ĉina registaro prenis multajn rimedojn, inkluzive de establo ekzamena instalaĵo de tuberkulozo, trejnado de fakuloj, plifortigo propagandado de scioj pri preventado kaj kuracado de tuberkulozo, ktp.

En januaro de 2004, Ĉinio lanĉis la retan raportan sistemon de infekteblaj malsanoj, inkluzive de tuberkulozo.

Samtempe, la ĉina registaro distribuas monan premion al kamparaj kuracistoj, kiuj trovis malsanulon de tuberkulozo, kaj stimulas ilin raporti la suspektindajn malsanulojn de tuberkulozo. Tiu rimedo altigis aktivecon de raportado de tuberkulozo fare de kamparaj kuracistoj. Iu oficisto pri higieno en la urbo Xinmi de la provinco Henan de Ĉinio sinjoro Jin Hongjian diris:

"La kamparaj kuracistoj tre aktive raportas pri tuberkulozuloj. Ĉiujare ni iras al kamparon por kontroli. Se ni trovas maltrafon de tuberkuloza kazo, ni faros punon al ili."