Diĝiteco de televido unue estas en filmado, redaktado, fabrikado kaj elsendado. Kompare kun la nuntempe vaste uzata stimula tekniko, la televida programero kun diĝita signalo havas karakterojn kiel altan klarecon, bonan sonon, grandan enhavecon de programeroj, fortan kapablon kontraŭ interfero, kaj aliajn. Due, apero de la diĝita televido ŝanĝis la situacion de spektantoj, kiuj delonge spektas la programerojn pasive. Per la diĝita televido, la spektantoj povas elekti ŝatatajn programerojn. Pli rimarkinda estas tio, ke la diĝita televido havas parton de funkcioj de komputilo, kaj ĝi estas platformo, kiu liveras oportunajn servojn al ĉiutaga vivo de familioj.

Sinjoro Wang Qinpu, kiu loĝas en la ĉina orienta urbo Hangzhou, jam estas 77-jaraĝa. Televidilo en la hejmo estas intima partnero, kiu akompanas lin kaj lian edzinon ĉiutage. Antaŭ unu jaro, la diĝita televido eniris en ĉiutagan vivon de la geedzoj. Wang Qinpu diris al raportisto, ke nuntempe per la televido, li ne nur povas spekti la plej riĉajn televidajn programerojn, sed ankaŭ povas aĉeti la ŝatatajn librojn. Kaj tio plej surprize ĝojigis lin Li diris:

"Per la diĝita televido, mi povas vidi la liston de plej multe venditaj libroj de la pasinta semajno, kaj vidi, ĉu estas libroj ŝatataj de mi. Se mi ŝatas iujn, mi do aĉetas per la diĝita televido. Ĝi estas tre oportuna."

Post senĉesa disvolviĝado, la kolektado, fabrikado, elsendado, transmisiado de ĉinaj televidaj programeroj jam ĝenerale estis diĝitigitaj, sed nur en ricevado, t.e. la televidilo de spektantoj ankoraŭ estas en stimula tekniko. Nuntempe, multaj urboj antaŭenpuŝas diĝitigan procezon de televidiloj en la ordinaraj familioj.