Fraŭlino Zhang Fan zorgeme traserĉas en fendoj de rifo. Ŝi diris:

"Mi elfosis kelkajn aktinietojn. Estas malfacile elfosi ilin, ĉar ili estas moluskoj, kaj je ektuŝo, ili sin kuntiris en sablaĵon. Mi havis apartan eltrovon, nome granda pekteno kun grandeco de pugno. Kiam mi iris sur la strando ĉe marbordo, mi vidis, ke proksime al miaj piedoj vidiĝas vezikoj unu post alia. Jen estas granda pekteno en sablaĵo. Elfosinte ĝin, mi estas ege kontenta pro tiu rikolto."

Fraŭlino Zhang Fan diris, ke post fluso, inter rifoj restas peco kaj peco da mara akvo. Kvankam ĉiu peco de akvo estas malgranda, tamen ĉiu el ili havas riĉan enhavon el multspecaj maraj kreskaĵoj, ekzemple ostro, aktinio, krabo ktp. Por kolektantoj de maraj estaĵoj sur la strando, eĉ unu krabo aŭ malgranda ostro povas alporti al ili grandan ĝojon. Ŝi diris:

"En la semajnfino, ni kutimas veni ĉi tien kune kun amikoj, por kolekti marajn estaĵojn sur marbordo, ĝui marajn pejzaĝojn aŭ simple aŭskulti la maran bruadon. Estas ege interese kaj agrable! La strando de mara naĝejo havas molan kaj delikatan sablon, kaj ĝi altiras ankaŭ multe da vojaĝantoj el aliaj lokoj."

Jes, ĝuste kiel fraŭlino Zhang Fan diris, la strando de Haiyang jam fariĝis konata de najbaraj kaj eĉ malproksimaj lokoj. Turistoj vojaĝantaj al Haiyang por sperti la fiŝistan vivon ĉiutage venis al marbordo por promenado, ĝuante karesadon al piedoj fare de delikataj kaj molaj sableroj, bruadon de maraj ondoj kaj ŝaŭmadon de mara akvo.

S-ro Wu Sheng el la provinco Anhui unuafoje vojaĝis al Haiyang por sperti la interesan vivon de fiŝistoj, kaj multe ĝuis el tio. Li diris:

"Ni venis el la provinco Anhui. Haiyang estas tre vizitinda, ĝiaj belaj naturaj pejzaĝoj kaj simpatiaj loĝantoj tre plaĉas al ni."