La 22-26-an de septembro de 2001 en Jiangyou oni okazigis aktivadon por festi la 1300-an datrevenon de lia naskiĝo. Multaj specialistoj, fakuloj, famaj aktoroj kaj turistoj venis al la loko por ĉeesti la aktivadon.

Li Bai (701-762), alinome Li Taibai, naskiĝis en Tang-dinastio. Dum sia vivo de 61 jaroj li verkis multajn poemojn, kiuj estas rigardataj kiel gemoj en la ĉina literatura trezorejo. Lia patro estis alte klerigita en literaturo, kaj la bona familia deveno kaj socia medio influis lin. En sia knabeco li jam montris geniecon en literaturo. En la juneco li ŝatis skermadon kaj muzikilludadon. Tiuj hobioj riĉigis lian vivon kaj sciojn.

Jiangyou nutris la poeton kaj la lokanoj bone koservas lian domon kaj regule kultas lin. Oni restarigis pli ol 30 ruinojn rilate liajn naskiĝon, lernadon, pentradon, versoverkadon k.a.

Dum ekspozicio la Muzeo de Li Bai unuafoje eksponis milojn da antikvaĵoj, belaj ŝtonoj, kaligrafaĵoj kaj pentraĵoj de famuloj en la historio. En la unua tago de eksponado pli ol 3000 homoj vizitis la muzeon. En nebula pluvo, ĝuante muzikon de antikvaj muzikiloj, la vizitantoj pririgardis la verkojn de famuloj kaj estis profunde infektitaj de la densa kultura atmosfero.

Inaŭguro de monumento de Stelearo de Taibai puŝis la aktivadon al la kulmino. Ĉi-jare Sichuan-provinco kaj Jiangyou pagis 50 milionojn da juanoj por konstrui la Stelearon de Taibai. En la areo de 20 hektaroj staras 1500 steleoj dividitaj en 5 kategoriojn laŭ la stiloj de la poemoj de Li Bai.

1300 jaroj pasis post la 701-a jaro, en kiu naskiĝis Li Bai. Grandaj ŝanĝiĝoj okazis al Jiangyou, ke ĝi jam fariĝis nova industria kaj turisma urbo.

Surbaze de abundo da riĉfontoj, la popolo de Jiangyou starigis la industrian sistemon kun metalurgio, felo, maŝinfarado, kemiindustrio kaj tekstilado kiel la ĉefaj punktoj. Krome, en Jiangyou funkcias termoelektrejo plej granda en la sudokcidento de Ĉinio. La pokapa jara enspezo de la urbanoj atingis 6150 juanojn. Samtempe Jiangyou estas unu el la 100 urboj kun plej bona financo.

Jiangyou havas ne nur abundon da produktaĵoj, sed ankaŭ multajn pitoreskejojn. En Jiangyou estas tri provincnivelaj pitoreskejoj, inkluzive de Doutuan-monto. Krome ĝi estas nepra trapasejo al la pitoreskejo Jiuzhaigou, enlistigita de Unesko kiel monda natura heredaĵo. En la unuaj 7 monatoj de la jaro 2001 jam miliono da homoj vizitis Jiangyou.