La aktivada celo, publikigita de ĉina registaro pri kontrolo de ellaso de forceja gaso, akiris vastan kaj pozitivan takson de la internacia socio.

Yvo de Boer, plenuma sekretario de sekretariejo de Frama Konvencio pri Klimata Ŝanĝiĝo de UN, publikigis anoncon esprimante laŭdon al la decido de Ĉinio. Li diris, ke oni bezonas daŭrigeblan kaj fortan kuraĝecon kaj gvidan kapablon.

Kim Carstensen, respondeculo de tutmonda klimata programo de Monda Natura Fonduso, Frederik Reinfeldt, ĉefministro de Svedio, la deĵoranta prezidanta lando de Eŭropa Unio, Paula Lehtomäki, media ministro de Finlando kaj singapura ĵurnalo Lianhe Zaobao subtenas tian agadon de Ĉinio kaj pozitive laŭdis la decidon de ĉina registaro.