La 10-an de septembro ĉina ministro pri eksteraj aferoj Yang Jiechi alvokis japanan ambasadoron en Ĉinio kaj esprimis proteston kontraŭ Japanio, kiu forkaptis kaj retenis fiŝkaptan ŝipon kaj fiŝistojn de Ĉinio sur maro de la insularo Diaoyu. Li emfazis la firman kaj neŝanceleblan decidon de la ĉina registaro defendi la suverenecon super la insularo Diaoyu kaj la rajtojn kaj interesojn de ĉinaj civitanoj kaj postulis, ke Japanio tuj senkondiĉe rehejmigu la ŝipon kaj ĉiujn fiŝistojn, inkluzive de la kapitano.