La tuta mondo scias, ke la ĉinoj estas nomataj la posteuloj de drako kaj nia lando Ĉinio estas nomata orienta grandega drako. Ĝi havas longan historion, kiun eĉ el la surskribaĵoj sur la testudaj ŝeloj oni povas sekvi. Oni trovis la ideogramon "long" en Yin-ruinoj en la urbo Anyang de la provinco Henan, kaj poste sur la tabloj, bronzaĵoj kaj aliaj elterigitaj antikvaĵoj, oni vidis ankaŭ la ideogramon. Tial ni povas diri, ke ni estas gefiloj de drako.