La 13an de septembro en Biŝkeko la informa centro de la ĉina delegacio por la 13a Pintkonferenco de Ŝanhaja Kunlabora Organizo okazigis gazetaran konferencon, kaj ĉina vicministro pri eksteraj aferoj Cheng Guoping prezentis atingojn de la vizito de ĉina prezidanto Xi Jinping al kvar centr-aziaj landoj kaj de lia ĉeesto al la 13a Pintkonferenco de Ŝanhaja Kunlabora Organizo. Li diris, ke la vizito de Xi Jinping al la kavr landoj estas historia kaj havas gravan signifon por firmigi la tradician amikecon inter Ĉinio kaj la centr-aziaj landoj, profundigi reciprokprofitajn kunlaborojn sur diversaj kampoj kaj akceli sanan kaj stabilan disvolvadon de la Ŝanhaja Kunlabora Organizo.