Laŭ donitaĵoj, ekde 2000 la nombro de pekinaj rezidantoj ĉiujare kreskas je 600 miloj, kaj ĝis la fino de 2012 la loĝantaro kalkuliĝis al 21 milionoj. Rapida kresko de la populacio reliefigas la problemojn de media poluado, trafika ŝtopiĝo kaj manko de akvaj resursoj.

Januare de la kuranta jaro Wang An'shun, urbestro de Pekino, asertis en jara raporto pri registara laboro, ke Pekino devas profunde esplori la eblecon pri efektiva regado de la loĝantara kresko. Estis la unua fojo, ke Pekino skribis ĉi-rilatan enhavon en la raporton pri registara laboro. Pekino promesis, ke ĝi faros al gravaj planoj, politikoj kaj programoj taksadon pri loĝantaro, transportado kaj akvaj resursoj kaj starigos mekanismojn de registara investo kaj resurso-distribuado, referencajn al la nombro de loĝantoj.