Monda Hortikultura Ekspozicio 2014 en Qingdao okazos de la 25-a de aprilo ĝis la 25-a de oktobro. Antaŭ inaŭguriĝo de la Monda Hortikultura Ekspozicio, laborantoj faris grandan nombron da preparadoj. Dum la prepara periodo de la Monda Hortikultura Ekspozicio, raportisto el Ĉina Radio Internacia vizitis la ekspoziciejon kaj informiĝis, ke laborantoj ne nur certigos bonan funkciadon de la ekspozicio, sed ankaŭ liveros multajn oportunajn servojn por la vizitantoj.

Ĉe la pordo de la ekspoziciejo estas ferbalustradoj por sekureco de la vizitantoj. Laŭ la ferbalustrado, ni povas vidi maŝinojn por kontroli biletojn, kaj tie estas volontuloj sidantaj ĉe maŝino. Zuo Pengzhi, la ĉefa administranto de la enirejo 2, diris: "Ni preparis akvon al vizitantoj por urĝo kaj havas medicinan keston kaj kelkajn kuracilojn por liveri kuracan helpon al vizitantoj. Krome, se vizitanto estas maljuna, la volontulo liveras helpon por trapasi la maŝinon."