Proparolanto de la Ministerio de Eksterlandaj Aferoj diris en vendredo, ke Ĉinio profunde funebras pro la forpaso de saud-arabia reĝo Abdullah, bona amiko de la ĉina popolo.

Hua Chunying, proparolanto de la ministerio, diris en regula gazetara konferenco, ke Ĉinio esprimas sinceran simpation al la aŭtoritatoj kaj la popolo de Saud-Arabio pro la korŝira evento.

Ŝi diris, ke kiel granda gvidanto de Saud-Arabio reĝo Abdullah dediĉis sian vivon al la nacia disvolvado kaj al paco kaj stabileco de Mezoriento kaj la golfa regiono kaj ĝuis grandan prestiĝon enlande kaj eksterlande.