Zhang Zhijun, estro de la Oficejo pri Tajvanaj Aferoj sub la Centra Komitato de la Komunista Partio de Ĉinio, merkrede anoncis, ke ĉina prezidanto Xi Jinping renkontiĝos kun Ma Ying-jeou, la gvidanto de Tajvano, sabate en Singapuro. Ili interŝanĝos opiniojn pri paca disvolvado de la rilatoj inter la du bordoj de la tajvana markolo.

Koncernaj departementoj de la du flankoj decidis post konsiliĝo, ke la kunveno estos okazigita en la nomo de gvidantoj de la ĉeftero kaj Tajvano. Zhang aldonis, ke tio estas pragmata aranĝo laŭ la principo de unu Ĉinio, kiam ankoraŭ estas politikaj diferencoj inter la du bordoj de la markolo.