Ĉinio sentas profundan funebron pro la morto de Helmut Schmidt, kiu servis kiel ĉefministro de Okcidenta Germanio en la periodo de 1974 ĝis 1982.

Hong Lei, proparolanto de la ĉina Ministerio de Eksterlandaj Aferoj, diris, ke Schmidt estis pioniro kaj impulsanto de rilatoj inter Ĉinio kaj Germanio. Lia morto estas perdo de la germana popolo kaj la internacia komunumo. Li faris elsataran kontribuon al la nacia konstruado de Germanio kaj la integriĝa procezo de Eŭropo. Ĉinio admiras lian kontribuon kaj volas labori kun Germanio por akceli disvolvadon de la ampleksa strategia partnereco inter la du landoj.