Ĉina ĉefministro Li Keqiang lunde prezidis la kvaran plenan kunvenon de la Ŝtata Konsilio. La kunveno diskutis pri la registara laborraporto, kiu estos prezentota al la 3a plena sesio de la 12a Nacia Popola Kongreso por ekzameno, kaj decidis sendi projekton de la raporto al ĉiuj provincoj, aŭtonomaj regionoj kaj municipoj por peti iliajn opiniojn..

Li Keqiang diris en sia parolado, ke raporti la registaran laboron al la Nacia Popola Kongreso estas leĝa devo de la Ŝtata Konsilio. La raporto enkorpigas solenajn promesojn de la registaro al la popolo kaj estas grava portanto de la popola kontrolo.