Dimanĉe ĉina ĉefministro Li Keqiang diris, ke Ĉinio intensigos siajn penojn en simpligo de la registara administro kaj mandatigo de pli da povo al pli malalt-nivelaj registaroj por vigligi la merkaton.

"La reformado per redukto de la povo tenata en la manoj de la registaro helpas pritrakti la malsupreniran premon," li diris en gazetara konferenco post la fino de ĉi-jara sesio de la Nacia Popola Kongreso. Li emfazis, ke la doloro kaŭzita de la reformado de la registaro restas kaj fariĝas pli akra.

La centra registaro promesis cedi la povon aŭ nuligi la postulon de registara reekzameno por pli da eroj, nuligi ĉiujn ne-administrajn reekzamenojn kaj establi sistemon por plenumi bone reguligitan administron pri la reekzamena procezo de la registaro.