Okazis grandaj eksplodoj merkrede nokte en staplejo en la havenurbo Tianjin, norda Ĉinio. Ĝis la ĵaŭda posttagmezo estis mortigitaj 44 homoj, inkluzive de 12 membroj de la fajrobrigado
La sava komandejo diris, ke entute 520 homoj estis enhospitaligitaj, kaj 66 el ili estis grave vunditaj
La municipa fajrobrigado de Tianjin diris, ke ĝi sendis mil membrojn kaj 143 fajrestingajn kamionojn al la staplejo, kiu entenis danĝerajn varojn. La volatileco de la varoj faris la fajron neantaŭvidebla kaj aparte danĝera por alproksimiĝo.
