Antaŭ nelonge mi estis informita pri tio, ke fama esperantisto, profesoro pri Astronomio s-ro Amri Wandel vizitos Pekinon de la 14-a ĝis la 31-a de aŭgusto por partopreni en la granda internacia astronomia kongreso, nomata Ĝenerala Asembleo de la Internacia Astronomia Unio. Dum lia restado en Pekino, li ne nur partoprenos en la faka kongreso, sed ankaŭ planas kontribui al Esperanto. Do kian planon li havas? Kial s-ro Dennis Keefe volas kontribui 1000 usonajn dolarojn por subteni la planon? Ĉu la plano eblas realiĝi? Kio estas la nuna plej granda malfacilo? Kunportante tiujn demandojn, mi telefone intervjuis s-ron Amri Wandel.