16-an de oktobro en Pekino okazis la Internacia Maratono 2011. Wei Xiaojie, juna atleto el Ĉinio, gajnis la oran medalon de la virina grupo per la rezulto de 2 horoj, 28 minutoj kaj 5 sekundoj, dum la fama kenja atleto Catherine Ndereba, iama posedanto de la monda rekordo, ricevis nur la trian lokon. Kenjaj sportistoj dominis en la vira grupo. Ili gajnis la oran, arĝentan kaj bronzan medalojn.