"En la komenco de la 80-aj jaroj de la pasinta jarcento, mia instruisto Zhao Songting proponis min krei originalan verkaĵon por partopreni en tutlanda konkurso. Do mi pensis, kion mi povas verki kaj kion mi devas verki. Por mi, la unua avantaĝo estas mia vivsperto en suda Ĉinio. Mi iam lernis la operon Kunqu kaj prezenton Suzhoutanci kaj lokan muzikon. Krome mi tiam loĝis ĉe la lago Taihu kaj estis multe influata de la medio."

"La enkonduko de la muzikaĵo estas ritme malrapida, en kiu priskribiĝas la belaj pejzaĵoj en printempo. La meza parto de la muzikaĵo havas fortan etoson de tiu epoko, do ĝi estas rapidritma kaj ege malfacila teknike por la ludanto. En tiu parto la muzikaĵo ĉefe priskribas tion, ke homoj sopiras al bela vivo, ĉar ili estas tre diligentaj kaj amas laboron. La muzikaĵo estis laŭdita de tiamaj komponistoj kiel la plej konciza solluda flutmuzikaĵo en la konkurso."