Saluton, karaj amikoj! Hu Shi, fama homo en moderna epoko, estas pioniro de la Ĉina Nov-Kultura Movado. Ĉi-jare estas la 50-a datreveno de lia forpaso. Lia hejmloko estas la vilaĝo Shangzhuang de la urbeto Shangzhuang en Jixi-gubernio de Anhui-provinco. En decembro, 1891, en Ŝanhajo, Hu Shi naskiĝis kaj post 3 monatoj estis kunportita de sia patrino al Taiwan. Marte, 1895, li revenis al Shangzhuang pro la Ĉina-Japania Milito. Post kelkaj tagoj, lia patro mortis en Xiamen. En 1904, post kiam li lernis en malnovtipa privata lernejo, Hu Shi kun sia dua pliaĝa frato iris al Ŝanhajo kaj komencis sian vagan vivon for de sia hejmloko. En hodiaŭa programero, ni kune iru al Shangzhuang-vilaĝo, la hejmloko de Hu Shi.

Shangzhuang-vilaĝo estas malnova vilaĝo. Kvankam la malnovaj domoj estis detruitaj, tamen la ĝenerala aranĝo de la vilaĝo kaj la stratoj ankoraŭ ne multe ŝanĝiĝis.