Antaŭe Hugo Tichkler neniam vivis en fremda lando sola. En Britio, kiel reĝisoro li posedis laborgrupon, en kiu laborantoj havas klaran labordividon, sed en Pekino li sendepende finis scenaron, serĉis aktorojn, faris filmadon, lumigadon kaj muntadon. Li diris, ke la sendependa laborado alportis al li grandan kreivan spacon kaj multe da imagoj povas esti plenumataj en la filmetoj. Li ŝatas la filmojn, en kiuj ekzistas kelkaj simplaj personoj kaj reala rakonto sen pompa kampo kaj posta specifeco, la stilo de liaj filmoj ĝuste estas ĉi tia. Li diris:

"En unu filmeto, la aktoro estas japana studento, kiu lernas en internacia departemento sub la Pekina Filma Akademio, li ne posedis travivaĵon sed ŝatas prezentadon. Laŭ mi, li estas taŭga por la rolo. Tial ni, du personoj, finis la 3-minutan filmeton. Ĉi tiu rakonto estas mizera, en la komenco de la filmeto en iu ĝardeno iu viro ricevis telefonon, en la telefono iu flegistino diris 'Pardonon, Ŝi forpasis pro trafika akcidento', poste la viro venis al hospitalo kaj prenis ŝiajn postaĵojn, sekve aperis la sceno pri lia ĉiutaga vivo sen la amatino. La aktoro bone ludis la rolon kaj ĝuste esprimis la mizeran senton."

Pekina Filma Akademio havas la kurson ĉinlingvan por fremdlandanoj. En la kurso studentoj lernas la ĉinan lingvon per vidado de filmoj kaj esplorado de scenaro. Krome, Hugo Tichkler kaj aliaj studentoj lernis paroli filmajn terminojn en la ĉina lingvo.

En la lastaj du kaj duona jaroj en Ĉinio, Hugo Tichkler amikiĝis kun multaj ĉinoj kaj ofte invitite gastis en ĉinaj familioj. Li opiniis, ke por kompreni Ĉinion fremdlandanoj devas kompreni ĉinojn kaj senti la ĉinan socion. Li diris:

"Nun mi estas en Ĉinio, se mi volas viziti bufedejon, kial mi ne revenos hejmen. Mi ofte restas sola, aŭ babilas kun amikoj en kafejo, aŭ sentas la ĉinan kulturon."

Julie de la jaro 2014 Hugo Tichkler finos sian lernadon. Li esperas sin disvolvi en Ĉinio estonte kaj fari filmadon.