Saluton, karaj amikoj! Vi nun aŭskultas elsendon de Ĉina Radio Internacia. Hodiaŭ ni babilos pri 8 maljunuloj, kiuj dumvive sin dediĉis al arboplantado en Luliang, gubernio en la provinco Yunnan en sudokcidenta Ĉinio. En la memoro de 72-jaraĝa Wang Xiaomiao, antaŭ 30 jaroj tieaj montoj estis kalvaj kaj post pluvo inundo kun koto kaj sablo fluis tra lia vilaĝo. Li pensis, ke estas malfacile rikolti, por ne paroli pri beligo de la vilaĝo. Tiutempe iu ideo venis al lia kapo: "Ĉu oni povas planti arbojn sur la montoj malantaŭ la vilaĝo?". Li tuj agis.