Batato estas kaj ordinara kaj populara manĝaĵo tra la mondo. En Ĉinio oni kuiras ĝin diversmaniere. Kiam proksimiĝas vintro, bakitaj batatoj estas vaste ŝatataj de ĉinoj. Hodiaŭ mi prezentas al vi du manierojn por baki batatojn. Jen ili estas:

【Materialoj】: batato 2

La unua maiero: Metu batatojn en bakujon. Baku ilin 30 minutojn en la temperaturo de 220 gradoj. Poste turnu la batatojn kaj denove baku ilin 30 minutoj plu. La batatoj estas pretaj.

La dua maniero: Sternu stanfolian paperon sur la bakpleto kaj ŝmiru ĝin per butero. Pecigu batatojn kaj surmetu iom da buter-pecetoj. Post 20-minuta bako en la temperaturo de 180 gradoj, turnu la batat-pecetojn kaj denove baku ilin 6 minutojn.