Chengdu-anoj ĝenerale elektas malsamajn specojn de la plado Huoguo laŭ malsamaj sezonoj.

En la urbo Chengdu estas tre multaj specoj de la plado Huoguo, ĉiuj estas tre bongustaj. oni prenas malsamajn specojn de Huoguo laŭ kvar sezonoj. Ekzemple, en somero oni emas preni pikan specon de Huoguo, por sin ŝvitigi, tio efikas por malgrasigi kaj ankaŭ komfortigi la korpon; vintre oni prenas la specon de Huoguo el blanka supo, ĝi estas kaj varmiga kaj juniga."

Tre multas ankaŭ la supaj specoj de la plado Huoguo en la urbo Chengdu, kaj multas ankaŭ kuireblaj materialoj por Huoguo, ties specoj atingis centojn. Iuj el tiuj materialoj estas molaj kaj fragilaj, ekzemple fiŝaĵo, viand-tranĉaĵo, anasaĵo kaj ŝafaĵo, kiuj manĝeblas tuj post brogiĝo. Aliaj materialoj, kiaj bov-stomako, kokaĵo, fungo kaj brasiko, bezonas iom pli longan kuiradon por manĝo.

Krom Huoguo de ruĝa supo kaj Huoguo de blanka supo, kiuj estas la plej popularaj en la urbo Chengdu, ekzistas ankaŭ Huoguo de maraj kreskaĵoj, Huoguo de fiŝkapo, de leporaĵo, de sovaĝaj animaloj kaj de raraj vegetaloj. Kun propra gusto kaj aparta trajto, ĉiu speco de la plado Huoguo havas sian preferanton.

Multas ankaŭ la novaj specoj de la plado Huoguo, ekzemple Huoguo de seka poto: oni rekte fritas manĝaĵon en la sen-supa poto, spicante per oleo, zingibro, kapsiko, saŭco ktp; aŭ Hunguo de boligita akvo: oni kuiras manĝaĵon en akvo, kaj devas aldoni spicaĵojn dum la manĝado de la kuiritaj materialoj.

Por multaj Chengdu-anoj, manĝado de la plado Huoguo jam fariĝis nemankigebla parto de la vivo. Se ili ne prenis tiun pladon en kelkaj tagoj, ili sentas sin nekomforte. Ili diras: Ridegante dum manĝado de Huoguo, oni sentas, ke feliĉo ja staras antaŭ ili.