Kaloman Kalocsay:

Kian impreson faris al vi nia venko en Montevideo?

Lapenna venkis ĉe UNESKO

Per strategi' kaj streĉo nerva :

El la lastvica seĝ' observa .

Grandiĝis kun mirakla kresko

Ĝis alto de l' plafona fresko.

Jes, la nerezisteble verva

Lapenna venkis ĉe UNESKO

Per strategi' kaj streĉo nerva.

Kia ŝakmajstra fosforesko

De cerbo ĉiam brile serva !

Indigna, sed trankvilkonserva

Pri l' aĉa Blinkenber-burlesko,

Lapenna venkis ĉe UNESKO.