La 17-an de januaro, kiam Ban Ki-Moon, ĝenerala sekretario de UN, faris inspekton pri la katastrofo, li diris, ke la unua tasko de UN en Haitio estas savi vivojn, liveri materialojn kaj kunordigi savadon.

Ban Ki-Moon diris, ke la nuna tasko de UN estas kiel eble plej multe savi vivojn kaj garantii provizadon de akvo, nutraĵoj, medikamentoj kaj aliaj urĝe bezonataj materialoj, kaj kunordigi savadon. Li diris, ke la Monda Nutraĵa Programo de UN planas liveri nutraĵojn al miliono da homoj en du semajnoj, kaj al du milionoj da homoj en unu monato.