La Ĉielarka Jupo kaj Pluma Mantelo estas verkita de Li Longji (712-756 sur la trono), imperiestro de la dinastio Tang. Li Longji tre ŝatis muzikon kaj lertis en ludado de diversaj instrumentoj. Foje dum sonĝo li vojaĝis al la luna palaco. Feinoj bonvenigis lin dancante en la akompano de mirinda muziko. Poste li registris laŭ sia memoro la muzikon kaj plurfoje reviziis ĝin. Li alvokis kortegajn muzikistojn al provludo, kaj ordonis al sia kromedzino Yang Yuhuan fari koregrafion por la muzikaĵo kaj instrui la dancon al kortegaj servistinoj.