Tongling-Akvofalo

Troviĝas en Jingxi, sudokcidenta gubernio de Guangxi-a Zhuang-Nacieca Aŭtonoma Regiono Tongling-Valo, kiu longas preskaŭ 1000 metrojn, larĝas pli ol 200 metrojn kaj profundas 300 metrojn. Tie vegetas pli ol 2000 specoj de plantoj.

Tongling-Akvofalo kun la alteco de 165 metroj, larĝeco de 30 metroj, havas la plej grandan faldistancon kompare kun aliaj akvofaloj de Ĉinio. En somero, la akvo de la kaskado disŝprucas ĝis cent-metroj. Pro tio, turistoj ne povas iri proksimen. Tamen en vintro kaj printempo, kiam la akvo retiriĝas, turistoj povas eniri en la kavernon sub la akvofalo por spekti ĉarmegan pejzaĝon.