Celebre al la 150-jara jubileo de E-kreinto L.L.Zamenhof, "El Popola Ĉinio" okazigis specialan kunvenon la 26-an de julio en salono Kabe en la 94-a Universala Kongreso. La kunvenon prezidis s-ro Yu Tao, komitatano de UEA kaj ĝenerala sekretario de Ĉina E-Ligo. Al la kunveno ĉeestis dekoj da homoj. Inter ili rimarkindas s-ro Renato Corsetti, eksprezidanto de UEA, kaj s-ro Chen Haosu, prezidanto de Ĉina E-Ligo kaj prezidanto de Ĉina Asocio por Amikeco kun Alilandaj Popoloj. En la kunveno, "El Popola Ĉinio" prezentis al la ĉeestantoj esperantigitan poemaron "La Espera Vojo".